O alumnado de 1º e 2º de Bacharelato de portugués do noso centro visitou hoxe a vila de Monçao. Foi unha oportunidade marabillosa para coñecer mellor a contorna próxima ao tempo e practicar coa lingua portuguesa in situ. Vistaron a Biblioteca Pública Municipal de Monçao onde foron recibidos polas traballadoras que non explicaron o funcionamento da mesma, tamén ensinaron os agradables recantos da instalación e todas as potencialidades da mesma. Da man do departamento didáctico da Câmara Muncipal de Monçao e guiados pola arqueóloga e historiadora Odette, entraron nas entrañas da vila, recoñecendo os espazos dos 5 km do baluarte que envolve estes lugares, a visita posibilitou a entrada á Igreja Matriz, o barrio xudeo, o arquivo histórico, as portas da vila, de Salvaterra, antiga porta do Poxigo e o espazo do antigo castelo medieval. Tamén houbo tempo para coñecer a lenda da Coca ou da heroína Deu-la-Deu Martins. Unha xornada na que o bo tempo fixo compaña e animou á expedición nestes últimos días antes das vacacións de Nadal.
%20(1).png){kind=avatar}
Ningún comentario:
Publicar un comentario